I love blue dot com adalah media komunikasi bagi anak muda khususnya generasi muda Bali yang berusaha tampil lebih kreatif, inovatif, berwawasan luas… but yang pasti gaul en funky abizz… tanpa melepaskan eksistensinya sebagai generasi muda Bali yang terus berkiprah menjaga kelestarian dan keajegan budaya Bali.

Bengang ento isine uma tusing ja umah. Ada masih bengang ento tegalan. Uma ajak telagan isine soroh punyan-punyanan. Ada punyan padi, punyan tiing, nyuh, biyu.
Konyangan soroh medon, soroh mecarang. Done gadang ngisep kebus gumi, makrana gumine tis. Di umane linggah misi padi, angine kesir-kesir sing ada ngalangin. Rasane tis negak bengong di pondok meklangsah sambilang ngulah kedis. Punyan kayu tegeh mecarang liyu betene inang. Inang luwung anggo tongos bengong sambilang ngetis nunu sela.

Ento bengange ipidan dugas tiange cerik. Ada bengang dajan desa ada masih bengang delod desa. Desane kaapit baan bengang.

Jani bengange suba telah ilang jekjek beton. Petanine jani suba suud mamula padi. Umane kaadep lantas kapulin beton kadadiang umah. Pundukan umane katembok makideh. Pisagene masih nembok pundukane. Dadine temboke dempet. Maseksek tusing ada tongos nginang. Apa buin nginang, mejalan dogen suba keweh. Mekeneh lakar ngetis dija laku. Angine sing ngidang ngesir, kaentukan baan tembok beton. Makeneh lakar bengong ngilangang pengeng dija laku. Tusing ada buin bengang tongos nglincak nylimurang keneh. Tusing ngidang nylimurang keneh dadine pengeng. Dija dija pengeng, nyen nyen pengeng, konyangan setata pengeng.

Bengange tongos bengong ilang, pengeng sirahe!