I love blue dot com adalah media komunikasi bagi anak muda khususnya generasi muda Bali yang berusaha tampil lebih kreatif, inovatif, berwawasan luas… but yang pasti gaul en funky abizz… tanpa melepaskan eksistensinya sebagai generasi muda Bali yang terus berkiprah menjaga kelestarian dan keajegan budaya Bali.

Om Swastiastu,

Atur piuning titiang pinaka penyarikan ring Bale Bengong Blue. Pinaka panyembraman titiang tepengan sane mangkin, pacang ngaturang indik kawentenan Bale Bengong.

Wiakti sungsut manah titiang nyaksiang indik basa Bali duwene sane sayan - sayan ical. Ring sajeroning krama Bali utamin ipun para yowana ngerasayang meweh nganggen basa Bali rikala mabebaosan. Akehan para yowanane ngangge Basa Indonesia, sane karasayang aluhan. Warsa sane lintang titiang merasa kedek ngantenang ring margine wenten 'kursus Basa Bali'. Rikala punika titiang memanah soleh pisan kawentenan kursus punika….'Nak kenken ne di Bali ada kursus Basa Bali, nyen lakar milu…buduh apa….!!!

Sane mangkin sesampune titiang polih maseseleh ring sejeroning krama punika taler nureksain dewek titiang padidi, titiang ngerasayang…dadi aluhan rasane mebasa Bali bandingang teken mabasa Indonesia, nah..nak kenken ne? asane titiang nyandang kursus mebasa Bali malih.

Riantukan pikobete ring ajeng, meled manah titiange ngawentenang Bale Bengong puniki, pinaka genah sareng - sareng melajah mebasa Bali. Mangdane caluh mabasa Bali !! Titiang puniki pinaka panyarikan nenten ja wikan, napi malih duweg mabasa Bali. Titiang jadma jati - jati nenten uning mebasa Bali sane becik. Nanging kawentenan amangkinan sampunang ja ngeraosan sane mawasta basa Bali sane patut, sane nganutin alus singgih, alus mider, alus sor…….Banggiang mangda kadung caluh dumun mebasa Bali. Riwekas risampune biasa, caluh mebasa Bali, irika ngiring maosang sane patut lan tan patut. Mangda nenten durung punapa punapi sampun nyeh utawi jerih kayune mebasa Bali.

Ring bale bengong puniki titiang jagi ngaturang pikobet - pikobet utawi gatra sane prasida panggihin tur uningin titiang ring sajeroning jagat Bali. Pikobet muah gatra punika pacang kadadosan unteng pabligbagan duwene kapungkuran.

Inggih asapunika dumun atur pawungun titiang. Dumadak ja Bale Bengong sane magenah ring INTERNETe puniki wenten pikenoh ipun.

Om, Santhi, Santhi, Santhi, Om.