I love blue dot com adalah media komunikasi bagi anak muda khususnya generasi muda Bali yang berusaha tampil lebih kreatif, inovatif, berwawasan luas… but yang pasti gaul en funky abizz… tanpa melepaskan eksistensinya sebagai generasi muda Bali yang terus berkiprah menjaga kelestarian dan keajegan budaya Bali.

Buin mani nyama Hindu di Bali lakar ngabut penjor Galungan sawireh buin mani suba nyaluk Buda Kliwon Paang. Liunan anake di Bali ngorangan dinane buin mani aji Pegat Tuwakan. Masan Galungane suba suud.

Uli nancep penjor Galungan liu sekaa terunane di Bali ngae bazar, anggona ngalih pipis tur nyamput Galungan lan Kuningan. " Dalam rangka menyambut Galungan dan Kuningan kami mengaharapkan kehadiran Bapak/Ibu dalam malam penggalian dana kami di…………………." Keto munyin surat undangane.

Anak mula liu maan pipis uli ngadang bazar. Pipise ento ada ane anggona ngisinin kas sekaa, ada ane masih anggona ngewangun pura ane suci ning nirmala. Ulian bazar banjare ngelah jempana meprada, pura meukir tur maasab, pajeng ngeredep. Nanging keto ulian bazar masih liu ane dadi iyeg. Sinah jlema di bazar ngalih bir lantas mamunyah. Yen suba punyah lantas ngae iyeg. Ulian paiyegan jlema punyah, tusing ja besik dua dadi iyeg antar banjar. Dadine ulian ngundang jlema apang nyak mamunyah banjare ngelah pura luih tur musuh.

Sing ke ada jalan ane lenan anggo ngalih dana punia ? Ada, ngudiang sing ! Kenken yen ngelawangin barong. Ngelawang sujatine tatamian anak lingsir malu anggo ngalih dana punia. Apang tusing sasuhunan Baronge sungsud kasuciane, khan dadi nyilih barong-barongan. To barong ane anggona ngigel di diepan turise. Pipis maan , malajah mapang maan, melajah megambel maan, melali masih maan, sambilang nolih-nolih anak bajang di jalane. Sawireh buin mani suba pegat tuwakan artine sasuudan buin mani suba telah masan ngelawang. Kayang galungan buin cepokan ajaka ngelawang nyak ?


Bli Sopir Bemo